Mary şäherindäki iç keselleri hassahanasynyň mejlisler zalynda TKA-nyň welaýat, Şatlyk şäher birleşmeleriniň, TMÝG-niň welaýat geňeşiniň, welaýat saglygy goraýyş müdirliginiň bilelikde guramagynda “Türkmenistanyň Halk Maslahaty — halk bilen döwletiň jebisliginiň kepili” ady bilen maslahat geçirildi. Maslahata Türkmenistanyň mejlisiniň deputatlary, jemgyýetçilik guramalarynyň işgärleri, lukmanlar gatnaşdylar.
Maslahatda Baýramaly etrap hassahanasynyň lukmany, Türkmenistanyň Mejlisiniň deputaty Ýusup Annaýew, welaýat çagalar hassahanasynyň lukmany Begenç Bäşimow, TKA-nyň Şatlyk şäher birleşmesiniň başlygy Gurbanmuhammet Babaýew, TMÝG-niň welaýat geňeşiniň başlygynyň orunbasary Kakajan Täçgulyýew çykyş etdiler. Çykyş edenler ýurdumyzda Türkmenistanyň Halk Maslahatynyň nobatdaky mejlisine görülýän taýýarlyk işleri, demokratik ýörelgeler, Watanymyzyň ösüşleri hakynda täsirli gürrüň etdiler.
TKA-nyň Şatlyk şäher birleşmesiniň
hünärmeni Yhlas Amanmyradow
