Hemmämize mälim bolşy ýaly şu ýylyň 24-nji iýulynda BMG- nyň Baş assambleýasynyň 80-nji sessiýasynyň 106-njy plenar mejlisinde Türkmenistanyň Başlangyjy esasynda hödürlenilýän 2028-nji ýyl Halkara Hukuk ýyly diýen kararnama bir agyzdan kabul edildi.
BMG – niň baş assambleýasy tarapyndan kabul edilen 2028-nji ýyly Halkara hukuk ýyly diýip yglan etmek baradaky kararnamanyň düzgünlerini iş ýüzünde durmuşa geçirmek şeýle hem Türkmenistanyň bu ugurdaky özara başlangyjynyň mazmunyny giňden açyp görkezmek maksady bilen döwlet baştutanymyzyň garamagyna birnäçe teklipler hödürlendi. Hususanda 2028-nji ýylda Halkara Hukuk Ýyly ýokary guramaçylyk derejesinde geçirmek we oňa toplumlaýyn taýýarlyk görmek maksady bilen 2026-2028-nji ýyllar üçin milli hereketler meýilnamasynyň taslamasyny taýýarlamak teklip edildi. Bu meýilnamany işläp taýýarlamak, onuň çärelerini utgaşdyrmak we ýerine ýetirilişine gözegçilik etmek üçin ýurduň degişli Ministrlikleriniň Pudaklaýyn dolandyryş edaralarynyň ýokary okuw mekdepleriniň hem-de Ylymy edaralarynyň wekillerinden ybarat bolup durýar. Pudagara iş toparyny döretmek maksada laýyk hasaplanylýar. Milli hereketler meýilnamasynda Türkmenistanda we Daşary ýurtlarda geçiriljek syýasy diplomatik ylymy amaly Bilim medeni we maglumat çärelerini olaryň möhletlerini ýerine ýetiriji edaralaryny hem-de garaşylýan netijelerini kesgitlemek göz öňüne tutulýar. Şunuň bilen birlikde Halkara Hukugy we Türkmenistanyň hemişelik Bitaraplygy atly Milli konsepsiýany taýýarlamak we ony BMG-nyň resminamasy hökümünde BMG-nyň agza Döwletleriň arasynda ýaýratmak teklip edildi. Şeýle hem, 2026-2028-nji ýyllaryň dowamynda Milli we Halkara bilermenleriň gatnaşmaklarynda Türkmenistanyň Halkara Hukugyny dürli meselelerine bagyşlanylýan sebit we halkara maslahatlary hem-de duşuşyklary geçirmek baradaky teklipler beýan edildi.
Häzirki döwürde Gahryman Arkadagymyzyň başlangyjy bilen ýaýbaňlandyrylýan Hormatly Prezidentimiziň baştutanlygynda üstünlikli dowam etdirilýän giň gerimli özgertmeler hil taýdan täze derejä çykaryldy. Ýurdumyzyň durmuş-ykdysady taýdan okgunly ösmegi bilen bir hatarda, hukuk, dünýewi döwleti, adalatly raýat jemgyýetini gurmagyň pugta binýady hökmünde demokratik ýörelgeler hem yzygiderli pugtalandyrylýar. Türkmenistan ýurdumyz hukuk döwletidir. Ýurdumyzda milli kanunçylygy ösdürmäge we kämilleşdirmäge örän uly ähmiýet berilýär. Kanunlar jemgyýetçilik gatnaşyklaryny kadalaşdyrýan guraldyr. Olar näçe kämil bolsa jemgyýet hem şonça sagdyndyr.
Hormatly prezidentimiziň yzygiderli tagallalary bilen Türkmen halky üçin döredilýän şertleriň gadyryny bilmek, hözirini görmek bagtdyr.
2026-njy ýyl “ Garaşsyz Baky Bitarap -Türkmenistan bedew batly – at myradyň mekany” diýlip yglan edilmegi hem ýurdumyzyň ösüşleriniň, halkymyzyň bagtyýar durmuşynyň we beýik geljeginiň aýdyň beýanydyr.
TKA-nyň Mary welaýat birleşmesiniň agzalarynyň durmuş-zähmet
hukuklaryny goramak boýunça bölümi, müdir Saparow Atabaý
